Nate Diaz var í nokkrum viðtölum á Fox Sports í gær og var útkoman einfaldlega frábær skemmtun. Það er greinilegt að það er mikill munur á Nate Diaz þegar hann er ekki að berjast eftir örfáa daga.
Vanalega þegar við heyrum í Diaz er hann að fara að berjast eftir nokkra daga og er oft ekki sá hressasti. Hann brosir lítið, blótar öllum í sand og ösku og virðist hafa engan áhuga á að vera í viðtölunum.
Núna þegar hann er ekki að fara að berjast á næstu dögum er hann talsvert öðruvísi og einfaldlega stórskemmtilegur.
Hér að neðan má sjá hann í þætti Jay and Dan þar sem hann lét þáttastjórnendur heyra það fyrir viðtöl þeirra við McGregor og Diaz í aðdraganda bardaga þeirra í mars. Þá sagði hann MMA ekki vera íþrótt eða leikur í sínum augum heldur einfaldlega alvöru bardagi.
Diaz mætti einnig í þáttinn UFC Tonight í gær þar sem hann svaraði spurningum aðdáenda.
Í sama þætti ræddi hann við þá Michael Bisping og Kenny Florian um sín næstu skref. Diaz vill bara fá eins stóra bardaga og mögulegt er.
