Neil Magny er kominn sinn næsta bardaga. Magny mætir Alex Oliveira í september í Brasilíu og verður því greinilega ekki bókaður gegn Gunnari Nelson á næstunni.
Neil Magny átti að mæta Gunnari Nelson á UFC bardagakvöldinu í Liverpool í maí síðastliðnum. Því miður meiddist Gunnar fyrir bardagann og fékk Magny nýliðann Craig White í staðinn. Magny var ekki í miklum vandræðum með White og kláraði hann í 1. lotu.
Magny tók sér smá frí eftir bardagann og gifti sig en er nú tilbúinn að setja allt á fullt aftur. Vonir stóðu til að Magny yrði jafnvel aftur bókaður gegn Gunnari en það er nú úr sögunni í bili. Þess í stað fær Alex Oliviera bardaga gegn Magny en Oliviera vann síðast Carlos Condit og er í 14. sæti styrkleikalistans.
Bardaginn fer fram á UFC bardagakvöldinu í Brasilíu þann 22. september.
