Nóel Freyr Ragnarsson bar sigur úr býtum í bardaga sínum og er því fyrsti Íslendingurinn sem kemst áfram í næstu umferð. Hann mætti Eldar Redzic frá Noregi í 6. bardaga dagsins og vann hann nokkuð þægilega þó ákvörðunin hafi vissulega verið klofin.
Það fór að bera töluvert á þreytu hjá andstæðingi Nóels í 2. lotu sem vildi helst bara grípa utan um hann meira og meira til að verða ekki fyrir höggum þegar leið á bardagann.
Glæsileg frammistaða hjá Nóel sem heldur áfram og fer í úrslitabardaga.
