Laugardagurinn 17. ágúst var ansi þýðingarmikill fyrir Stipe Miocic. Miocic endurheimti þungavigtartitilinn og fékk frábærar fréttir af pabba sínum.
Stipe Miocic var í vandræðum framan af gegn Daniel Cormier. Í 4. lotu náði hann nokkrum góðum skrokkhöggum og kláraði svo Cormier með tæknilegu rothöggi.
Miocic tapaði titlinum til Cormier í fyrra og endurheimti hann því beltið síðasta laugardag. Eftir bardagann fékk Stipe þær gleðifréttir að pabbi hans væri laus við krabbamein. Dagurinn var því sannarlega frábær hjá Stipe en myndband af símtali Stipe og pabba hans má sjá í nýjasta Thrill and the Agony myndbandi UFC (símtalið byrjar eftir 2:49)
