Rafael dos Anjos fékk skurð á eyrað í bardaganum gegn Colby Covington. Dos Anjos hélt að eyrað myndi detta af í bardaganum en þetta er ekki í fyrsta sinn sem hann fær skurð á eyrað.
Rafael dos Anjos tapaði fyrir Colby Covington á UFC 225 í júní. Snemma í bardaganum fékk hann skurð fyrir aftan eyrað og fékk hann saum í eyrað strax eftir bardagann. Skurðurinn var þó mjög djúpur og óttaðist dos Anjos að eyrað myndi falla af í bardaganum.
Dos Anjos hefur fimm sinnum fengið skurð á vinstra eyrað og fékk meira að segja skurð á eyrað tveimur vikum fyrir UFC 225. Á dögunum fór hann í aðgerð til að laga eyrað almennilega og koma í veg fyrir að hann fái stöðugt skurði á eyrað. Dos Anjos verður frá æfingum í að hámarki sex vikur vegna aðgerðarinnar.
