Reykjavík MMA sendir tvo bardagamenn á Evolution of Combat 6 bardagakvöldið á laugardaginn.
Evolution of Combat 6 fer fram í Glasgow í Skotlandi á laugardaginn en Reykjavík MMA hefur áður sent bardagamenn á það bardagakvöld.
Krzysztof Porowski (2-0) mætir kunnuglegum andstæðingi, Jeff Akhah (1-0). Akhah vann sinn fyrsta bardaga gegn æfingafélaga Krzysztof, Gunnari Má, í fyrra og hefur Krzysztof því harma að hefna. Bardaginn fer fram í 76 kg hentivigt.
Remek Duda Maríusson berst sinn fyrsta MMA bardaga gegn Shaun Conway á laugardaginn. Remek hefur áður keppt í boxi og kickboxi en stígur nú í búrið í fyrsta sinn líkt og andstæðingurinn. Bardaginn fer fram í 69 kg hentivigt.
Aron Leó Jóhannsson (1-0) átti að berjast á kvöldinu en þurfti að draga sig úr bardaganum vegna meiðsla.
Bardögunum verður streymt og mun Reykjavík MMA sýna bardagana í húsnæði sínu á laugardaginn.
