0

Santiago Ponzinibbio svekktur eftir tapið í gær

Santiago Ponzinibbio var rotaður í gær á fyrsta UFC kvöldi ársins. Ponzinibbio var svekktur enda hafði hann beðið lengi eftir bardaga.

Santiago Ponzinibbio hafði ekki barist í rúm tvö ár eftir að hafa fengið alvarlega sýkingu. Ponzinibbio var gríðarlega spenntur fyrir endurkomu sinni en var rotaður af Li Jingliang í 1. lotu.

Ponzinibbio var eðlilega svekktur eftir tapið. „Ég á erfitt með að lýsa sorginni. Ég vildi gefa aðdáendum sigur eftir allan stuðninginn sem ég hef fengið. Ég lagði mikið á mig fyrir þennan bardaga, heilt ár í undirbúningi en eitt högg klárar allt,“ sagði Ponzinibbio í yfirlýsingu á Instagram og lofar að koma sterkur til baka.

Fram að bardaganum hafði Ponzinibbio unnið sjö bardaga í röð og var kominn á topp 5 í veltivigtinni. Þar sem hann var svo lengi frá vegna sýkingarinnar var hann tekinn af styrkleikalistanum og verður ekki kominn aftur þangað þegar nýr listi kemur út eftir tapið.

Pétur Marinó Jónsson
Latest posts by Pétur Marinó Jónsson (see all)

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill

Leave a Reply

This site uses Akismet to reduce spam. Learn how your comment data is processed.