Metamoris fór fram í gær en þetta var í sjötta sinn sem viðburðurinn er haldinn. UFC kappinn Joe Lauzon og Dillon Danis áttust við í skemmtilegri glímu.
Metamoris er skemmtileg glímukeppni þar sem þekktum glímuköppum er boðið að taka þátt. Þetta er ekki hefðbundið mót heldur samansafn af nokkrum ofurglímum ef svo má segja. Hver glímumaður keppir því aðeins eina 20 mínútna glímu.
Engin stig eru í boði og er einungis hægt að sigra eftir uppgjafartak. Takist hvorugum að ná uppgjafartakinu er glíman úrskurðuð jafntefli.
Á viðburðinum í gær fóru glímurnar fram fyrir luktum dyrum. Áður hafa glímurnar farið fram fyrir framan sal af áhorfendum og yfirleitt góð stemning. Aðstandendur Metamoris ákvaðu hins vegar að hafa keppnina fyrir luktum dyrum í þetta sinn og einnig var fjölmiðlamönnum meinaður aðgangur. Þetta átti að hvetja fólk til að kaupa „Pay per view“ af glímukvöldinu.
Þeir Joe Lauzon og Dillon Danis mættust í gær í skemmtilegri glímu. Joe Lauzon er þekktur úr MMA heiminum en hann er einn allra skemmtilegasti bardagamaðurinn í UFC. Hann er svart belti í brasilísku jiu-jitsu og reynir alltaf að klára bardagann. Danis er minna þekktur en hann æfir hjá Marcelo Garcia.
Önnur úrslit kvöldsins má sjá hér:
Josh Barnett sigraði Ryron Gracie eftir toehold.
Chael Sonnen og Renato ‘Babalu’ Sobral gerðu jafntefli
Zande Ribeiro og Keenan Cornelius gerðu jafntefli
Clark Gracie og Roberto Satoshi gerðu jafntefli
Jimmy Friedrich og Evandro Nunes gerðu jafntefli
https://www.youtube.com/watch?v=p1ELjmcbaM0
