Cris ‘Cyborg’ Justino barðist sinn fyrsta bardaga í UFC í maí. Í nýrri heimildarmynd um hana er sýnt á bakvið tjöldin fyrir hennar fyrsta bardaga í UFC.
Cyborg er fjaðurvigtarmeistari (145 pund) Invicta bardagasamtakanna. UFC er ekki með fjaðurvigt og því barðist hún í 140 punda hentivigt í maí gegn Leslie Smith. Cyborg var ekki lengi að klára Smith og mun berjast áfram í 140 pundunum í UFC.
Vonir stóðu til að Cyborg gæti barist í 135 punda bantamvigtinni en miðað við stikluna hér að neðan virðist niðurskurðurinn vera hreint helvíti fyrir hana. Ef það er svona erfitt að komast í 140 pund er erfitt að ímynda sér að hún fari í bantamvigtina.
Myndin á að koma út seint í ágúst.
