Sunna Rannveig Davíðsdóttir var akkúrat 115 pund á vigtinni áðan í formlegu vigtuninni fyrir Invitca. Sunna mætir Kelly D’Angelo á Invicta FC 24 kvöldinu annað kvöld.
Sunna þurfti að taka tvö kíló af sér í baðinu í morgun í Kansas. Niðurskurðurinn gekk vel að sögn Bjarka Þórs Pálssonar sem er með í för ásamt Árna Ísakssyni. Sunna var því 115 pund á vigtinni eða 52 kg. Leyfilegt er að vera einu pundi yfir en Sunna var bara akkúrat í réttri þyngd.
Eftir vigtunina var farið á Cheesecake Factory þar sem Sunna skellti í sig almennilegum mat eftir niðurskurðinn.
Bardagakvöldið verður sýnt á Stöð 2 Sport en bein útsending hefst á miðnætti. Bardagakvöldið verður einnig sýnt á Drukkstofunni í Mjölni en Íslendingar sem eru staddir í Glasgow ætla að sameinast á Alea Casino Glasgow og horfa á bardaga Sunnu.
Sjónvarpsvigtunin fer svo fram í kvöld og hefst hún kl 23 á íslenskum tíma. Sjónvarpsvigtunina má sjá hér að neðan.
https://www.youtube.com/watch?v=wmRW_yg8qc8
