UFC 205 fer fram um helgina og er spennan heldur betur farin að magnast. Í nýjasta þætti Tappvarpsins fórum við vel yfir flesta bardaga kvöldsins.
Eddie Alvarez mætir Conor McGregor í aðalbardaga kvöldsins á UFC 205. Bardaginn er einn af þremur titilbardögum kvöldsins en auk fyrrgreindra bardagamanna berjast þeir Tyron Woodley og Stephen Thompson um veltivigtarbeltið og þá verður pólsk barátta um strávigtartitilinn þegar þær Joanna Jedrzejczyk og Karolina Kowalkiewicz mætast.
Það má heldur ekki gleyma bardögum eins og Yoel Romero gegn Chris Weidman, Kelvin Gastelum gegn Donald Cerrone, Miesha Tate gegn Raquel Pennington og Frankie Edgar gegn Jeremy Stephens. Stórkostlegt bardagakvöld en hér að neðan förum við yfir flesta bardaga kvöldsins.
