Þorgrímur Þórarinsson átti heldur betur frábæra frumraun í MMA í kvöld. Þorgrímur sigraði eftir tæknilegt rothögg í 2. lotu.
Þorgrímur mætti Dananum Ola Jacobsson (2-2 fyrir bardagann) í veltivigt. Þorgrímur byrjaði strax vel og náði nokkrum góðum spörkum og mjög góðri beinni hægri snemma í lotunni. Þorgrímur pressaði Jacobsson upp við búrið þar sem hann lét hann finna fyrir hnéspörkum áður en hann tók Danann í gólfið. Þar var hann með nokkur þung högg í gólfinu og lét hann finna vel fyrir því áður en lotan kláraðist. Yfirburðir í 1. lotu.
Önnur lotan var nokkuð svipuð og sú fyrsta. Eftir skamma stund standandi náði Þorgrímur góðri fellu og komst fljótt í yfirburðarstöðu. Þar lét hann höggin dynja á honum og sigraði með tæknilegu rothöggi í 2. lotu.
Frábær frumraun hjá Þorgrími en þetta var hans fyrsti MMA bardaga.
