Donald Trump stuðningsmaðurinn Colby Covington mætir Robbie Lawler á laugardaginn. Meðlimir úr Trump fjölskyldunni verða viðstaddir bardagann til stuðnings við Covington.
Colby Covington er einn umdeildasti bardagamaður UFC í dag. Covington lætur varla sjá sig án þess að vera með „Make America Great Again“ derhúfuna og fékk að hitta Donald Trump í Hvíta húsinu í fyrra.
Núna munu þeir Donald Trump Jr. og Eric Trump vera viðstaddir bardagann á laugardaginn til að styðja sinn mann, Colby Covington.
Confirmed with a spokesperson for @DonaldJTrumpJr that both he and his brother @EricTrump will be cageside at UFC Newark supporting @ColbyCovMMA. /cont’d
— Ariel Helwani (@arielhelwani) July 31, 2019
Þeir Eric og Donald Trump Jr. eru aðdáendur Covington. „Colby er sigurvegari sem rífur líka kjaft en stendur alltaf við stóru orðin. Sem minnir um margt á einn sem ég þekki. Ég er spenntur að vera á bardaganum á laugardaginn til að styðja hann,“ sagði Donald Trump Jr.
Bardagi Colby Covington og Robbie Lawler fer fram í Newark í New Jersey á laugardaginn og verður aðalbardagi kvöldsins.
