0

Tveir fyrrum andstæðingar Sunnu með sigra í Invicta

Invicta bardagasamtökin voru með sitt 31. bardagakvöld í gær. Þar varði strávigtarmeistari Invicta titilinn sinn í fyrsta sinn og tvö kunnugleg nöfn nældu sér í sigur.

Invicta FC 31 fór fram í gær í Kansas eins og svo oft áður. Í aðalbardaga kvöldsins mættust þær Virna Jandiroba og Janaisa Morandin um strávigtartitil Invicta. Þetta var fyrsta titilvörn Jandiroba og sigraði hún með „arm triangle“ hengingu í 2. lotu.

Sunna Rannveig Davíðsdóttir berst í strávigtinni í Invicta en hún hefur verið lengi frá vegna meiðsla. Sunna er óðum að ná sér eftir meiðslin og vonast eftir að fá bardaga í haust. Síðast þegar hún barðist sigraði hún Kelly D’Angelo í júlí 2017. Í gær barðist D’Angelo við Lindsey VanZandt og sigraði eftir dómaraákvörðun. D’Angelo hafði tapað tveimur bardögum í röð og var þetta kærkominn sigur fyrir hana.

Mallory Martin, sem Sunna sigraði í mars 2017 í frábærum bardaga, átti magnaða frammistöðu þegar hún kláraði Ashley Nichols með olnbogum í 3. lotu. Martin var í vandræðum í byrjun bardagans og var slegin niður í 1. lotu. Hún kom hins vegar sterk til baka og fagnaði innilega þegar sigurinn var í höfn. Martin er núna 4-2 sem atvinnumaður og hefur unnið þrjá bardaga í röð. Martin er alltaf í skemmtilegum bardögum og hefur sagt að hún vilji vera kvenkyns útgáfan af Justin Gaethje.

Að lokum má nefna slæm mistök Holli Salazar sem kostaði hana sigur. Salazar tók þá undarlegu ákvörðun að skalla Audrey Wolfe og var eitt stig tekið af henni sem refsing. Ef hún hefði ekki skallað Wolfe hefði hún unnið bardagann (29-28) en þess í stað endaði bardaginn með jafntefli, 28-28.

Pétur Marinó Jónsson

Eigandi og ritstjóri vefsins www.mmafrettir.is

-Æft bardagaíþróttir í 6 ár (fjólublátt belti í BJJ)
-BS í sálfræði
-Lýsi UFC á Stöð 2 Sport
-MMA fíkill
Pétur Marinó Jónsson

Comments

comments

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í 6 ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill

Leave a Reply

This site uses Akismet to reduce spam. Learn how your comment data is processed.