Madison Square Garden er kominn með sinn fyrsta titilbardaga. Tyron Woodley sagði í gær að hann muni mæta Stephen ‘Wonderboy’ Thompson á UFC 205 í New York.
Fyrsta titilvörn veltivigtarmeistarans Tyron Woodley virðist vera ákveðin. Tyron Woodley rotaði Robbie Lawler í lok júlí og vildi fá Nick Diaz eða Georges St. Pierre í sína fyrstu titilvörn.
Í gær sagði hann þó á Fox Sports 2 að hann muni mæta Stephen Thompson á UFC 205 í New York. UFC 205 fer fram þann 12. nóvember og verður fyrsta bardagakvöld UFC síðan UFC 7 fór fram árið 1995
Stephen Thompson hefur unnið sjö bardaga í röð í veltivigtinni en síðast vann hann Rory MacDonald í júní. Thompson er með 13 sigra og aðeins eitt tap á ferlinum en áður en hann snéri sér að MMA var hann sigursæll í sparkboxi.
Bardaginn hefur ekki verið staðfestur af UFC og vissi ekki einu sinni Stephen Thompson af þessu fyrr en Woodley tilkynnti þetta í gær.
Amazingly, Wonderboy’s dad Ray told me
“We found out by Tyron’s statement on Fox that it’s official. We didn’t know til today, 9/16” #UFC205— Jonathan Shrager (@JonathanShrager) September 17, 2016
Thompson er eflaust hæst ánægður með þessar fréttir frá Woodley enda um risaviðburð að ræða.
Það stefnir því allt í að fyrsti titilbardaginn sé kominn á UFC 205. Ekki er vitað hvort þetta sé aðalbardagi kvöldsins en hugsanlega fáum við titilbardaga í léttvigt á milli Conor McGregor og Eddie Alvarez sama kvöld.
