Formlega vigtunin fyrir UFC 205 er nú lokið. Allir nema Thiago Alves og Kelvin Gastelum náðu tilsettri þyngd og er bardagi Gastelum og Donald Cerrone ekki lengur á dagskrá.
Það var mikil spenna í vigtuninni sem fram fór einungis fyrir fjölmiðla í New York í morgun. Conor McGregor, Eddie Alvarez, Tyron Woodley, Stephen Thompson, Joanna Jedrzejczyk og Karolina Kowalkiewicz náðu öll tilsettri þyngd og fara því allir þrír titilbardagarnir fram.
(VIDEO) Conor McGregor makes weight. 154.4lbs. #UFC205 literally the lights went out when he stepped on the scales! pic.twitter.com/pAQA4OeVyx
— Chamatkar Sandhu (@SandhuMMA) November 11, 2016
Því miður mun bardagi Kelvin Gastelum og Donald Cerrone ekki fara fram á morgun. Kelvin Gastelum var 180 pund og því tíu pundum yfir veltivigtartakmarkinu. Gastelum gat ekki farið neðar en Donald Cerrone hafði þegar vigtað inn. Cerrone var að sjálfsögðu í réttri þyngd en í reglum New York ríkis segir að bardagamenn mega ekki vera meira en fimm pundum frá hvor öðrum á vigtinni. Þar sem Cerrone var búinn að vigta sig inn 170 pund og Gastelum 180 pund getur bardaginn ekki farið fram.
Donald Cerrone var víst mjög reiður enda ólmur í að berjast á þessu sögulega kvöldi. Gastelum reyndi ekki einu sinni að vigta sig inn og hélt kyrru fyrir upp á hótelherbergi sínu. Kelvin Gastelum birti röð tísta á Twitter þar sem hann baðst afsökunar.
I will not be fighting @Cowboycerrone 2morrow on account that I couldn’t make the wght limit. I apologize 2 cowboy ure a legend. God bless.
— #OnAmission4Gold (@KelvinGastelum) November 11, 2016
I’m sorry to My team, my friends and the ppl that genuinely care for me. Extremely dissapointed I will have to reevaluate things in my life.
— #OnAmission4Gold (@KelvinGastelum) November 11, 2016
No one is perfect. We all have bad days but I promise it will not happen again. I will comeback stronger like I have before. Until next time
— #OnAmission4Gold (@KelvinGastelum) November 11, 2016
Þetta er í þriðja sinn sem Gastelum nær ekki veltivigtartakmarkinu en hann var á sínum tíma skipaður upp í millivigt. Þar barðist hann bara einn bardaga áður en hann fékk að fara aftur niður í veltivigt. Enn einu sinni hefur Gastelum lofað að koma sínum vigtarmálum í lag en óvíst er hvort hann fái annað tækifæri á því í veltivigtinni.
Thiago Alves náði ekki heldur þyngd en þetta átti að vera frumraun hans í léttvigt. Alves var 162,6 pund en Alves kvaðst hafa verið með magakveisu alla vikuna. Á þessum tíma hafði andstæðingur hans. Jim Miller, ekki vigtað sig inn en var orðinn 155 pund og því náð léttvigtartakmarkinu. Til að bardaginn gæti farið fram þurfti Miller að þyngja sig upp um nokkur pund svo það væri ekki meira en fimm punda munur á þeim. Miller vigtaði sig því inn 157,6 pund.
Sjónvarpsvigtunin fer svo fram kl 23 í kvöld.
