UFC 253 fer fram á laugardaginn. Annar þátturinn í Embedded seríunni er kominn.
UFC hefur haldið 11 bardagakvöld í röð í Las Vegas. Núna fer UFC til Fight Island í Abu Dhabi þar sem næstu bardagakvöld verða.
Í þættinum fáum við að kíkja bakvið tjöldin hjá bardagamönnum helgarinnar. Sijara Eubanks skellir sér í sundlaugina í Abu Dhabi en hún tekur bardagann með skömmum fyrirvara og barðist síðast þann 12. september. Jan Blachowicz tók létta æfingu á hótelinu og Dominick Reyes fór í körfubolta ásamt liði sínu.
Paulo Costa hefur ekkert sést í fyrstu tveimur þáttunum en hann mætir Israel Adesanya á laugardaginn.
