UFC 254 verður á góðum tíma hér á Íslandi ef marka má Dana White, forseta UFC. Bardagakvöldið fer fram í lok október á bardagaeyjunni.
Næsti bardagi Khabib Nurmagomedov verður á evrópskum tíma samkvæmt Dana White sem er frábært fyrir MMA aðdáendur á Íslandi. Khabib er einn þekktasti íþróttamaður Rússlands og er vinsæll en umdeildur í heimalandinu.
Dana White tells me #UFC254 will be held in european prime time at #UFCFightIsland2 so fans can see Khabib Nurmagomedov Vs. Justin Gaethje. Afternoon in American time like what they did on #UFC242 pic.twitter.com/Mvv9cOLsvh
— C. Contreras Legaspi (@CCLegaspi) September 9, 2020
UFC 254 fer fram laugardaginn 24. október þar sem Khabib mætir Justin Gaethje í aðalbardaga kvöldsins. Fjölmargir spennandi bardagar eru á kvöldinu og á enn eftir að staðfesta nokkra.
Khabib barðist síðast í september 2019 á UFC 242 en það var einnig á Yas Island eins og UFC 254. Þá var bardagakvöldið á evrópskum tíma en aðalhluti bardagakvöldsins hófst þá kl. 19 á íslenskum tíma. Gera má ráð fyrir að UFC 254 verði á svipuðum tíma og þá.
