Í dag verður einkennisbúningur UFC frá Reebok afhjúpaður. Athöfnin fer fram í New York og verða margar af stærstu stjörnum UFC viðstaddar.
Samningurinn tekur gildi 6. júlí en samkvæmt samningnum mega bardagamenn UFC aðeins klæðast fatnaði frá Reebok í keppni og á viðburðum tengdum UFC. Keppendur verða því að klæðast Reebok gallanum í vikunni fyrir bardaga og á öðrum fjölmiðlatengdum viðburðum. Bardagamenn munu klæðast einkennisbúningnum m.a. á leið sinni í búrið, blaðamannafundinum eftir bardagana og í viðtölum í vikunni fyrir bardaga. Þó er leyfilegt að klæðast jakkafötum á blaðamannafundum.
UFC 189 verður fyrsta bardagakvöldið þar sem allir munu klæðast Reebok. Bardagamenn mega ekki sýna önnur vörumerki á klæðnaði sínum nema merki sem eru í samstarfi við UFC á borð við BudLight og Monster Energy.
Kl 14 í dag á íslenskum tíma verður einkennisbúningurinn afhjúpaður. Yfir 20 UFC bardagamenn verða viðstaddir og má þar nefna stór nöfn á borð við Daniel Cormier, Alexander Gustafsson, TJ Dillashaw, Chris Weidman, Paige van Zant og fleiri.
Hægt verður að fylgjas með viðburðinum í beinni útsendingu á heimasíðu UFC síðar í dag.
-Æft bardagaíþróttir í einhver ár (fjólublátt belti í BJJ)
-BS í sálfræði
-Lýsi UFC á Viaplay
- Tappvarpið #141: Frábær sigur Gunnars og UFC 286 uppgjör - March 22, 2023
- Gunnar með flest uppgjafartök í sögu veltivigtarinnar - March 19, 2023
- Gunnar Nelson með sigur í 1. lotu - March 18, 2023
Eitt af rökum Dana White er að í öðrum í.þróttum séu búningar, en feilar á því að mma er einmennings íþrótt, en ekki hópíþrótt. Hópaíþrótt er þar sem einn hópur frá einu félagi keppir við annan hóp hjá öðru félagi og þess vegna eru búningar. Þessi hugmynd er þess vegna afleit.