UFC bardagamaðurinn Bryce Mitchell lenti í ansi óheppilegu slysi á dögunum. Borvél sem hann geymdi í buxunum fór óvænt af stað með þeim afleiðingum að pungurinn rifnaði.
„Ég ætlaði að æfa í dag en reif punginn í tvennt. Fæ sauma.“
Þannig hófst áhugaverð Instagram færsla hjá Bryce Mitchell í dag. Þar lýsir hann ansi slæmu slysi þar sem borvél fór af stað og flæktist í pungnum með þeim afleiðingum að pungurinn rifnaði.
Mitchell ætlaði á æfingu en þarf núna að taka sér smá pásu frá æfingum eftir slysið. Mitchell bað fólk um að vinsamlegast spara grínið nema það sé frumlegt og smá hugsun sé á bakvið grínið.
Bryce ‘Thug Nasty’ Mitchell er ósigraður sem atvinnumaður en hann hefur unnið einn bardaga í UFC. Mitchell var í nýjustu seríu TUF þar sem hann datt út í undanúrslitum en er spennandi og upprennandi bardagamaður.
