Artem Lobov mætir Zubaira Tukhugov á UFC bardagakvöldinu í Montcon þann 27. október. Lobov er liðsfélagi Conor McGregor og Tukhugov er liðsfélagi Khabib Nurmagomedov en þeir Conor og Khabib mætast fyrr í mánuðinum á UFC 229.
Artem Lobov hefur ekki barist síðan hann tapaði fyrir Andre Fili í október 2017. Lobov átti að keppa á UFC 223 í Brooklyn í apríl en Lobov átti þátt í rútuárásinni hjá Conor McGregor skömmu fyrir bardagann og fékk því ekki að berjast. Lobov er 2-4 í UFC og töldu margir að þetta væru endalok hans í UFC en nú er hann kominn með sinn næsta bardaga.
Lobov mætir Zubaira Tukhugov í október en Tukhugov er 3-1 í UFC og féll á lyfjaprófi 2016. Talið var að bardaginn yrði á UFC 229 þann 6. október sem ákveðin upphitun fyrir risa bardaga Conor og Khabib en svo verður ekki. Tukhugov verður nefnilega ennþá í banni þann 6. október en klárar bannið sitt skömmu síðar.
