UFC 205 fer fram um helgina þar sem Conor McGregor og Eddie Alvarez eigast við í aðalbardaga kvöldsins. UFC hefur nú gefið út fyrstu tvo þættina í Embedded seríunni og hafa þeir verið nokkuð skemmtilegir.
Í þáttunum er fylgst með bardagamönnunum á síðustu dögunum fyrir bardagana. Í fyrstu tveimur þáttunum er bara fylgst með þeim Eddie Alvarez, Conor McGregor, Joanna Jedrzejczyk, Karolinu Kowalkiewicz, Tyron Woodley og Stephen Thompson en þau keppa öll í titilbardögunum þremur.
Í 2. þættinum reynir lið Eddie Alvarez að hafa létt yfir þessu og lét útbúa sérstakan boxpúða með mynd af Conor McGregor.
