Í síðustu tveimur bardögunum á UFC bardagakvöldinu í Kaupmannahöfn kláruðustu bardagarnir með rothöggi.
Í næstsíðasta bardaga kvöldsins mættust þeir Mark Madsen og Danilo Belluardo. Daninn Madsen fékk frábærar móttökur og olli svo sannarlega ekki vonbrigðum. Eftir 40 sekúndur var Madsen búinn að ná Ítalanum niður þar sem hann lét olnbogana og þung högg rigna yfir Belluardo. Dómarinn stöðvaði síðan bardagann eftir 1:12 í 1. lotu. Mjög öruggur sigur hjá Madsen.
Í aðalbardaga kvöldsins mættust þeir Jack Hermansson og Jared Cannonier. Hermansson byrjaði vel með mikla pressu og reyndi fellur strax. Cannonier varðist þeim öllum vel og vann sig betur inn í bardagann.
Í 2. lotu náði Cannonier góðu hné sem felldi Hermansson. Cannonier fylgdi því eftir með frábærum höggum í gólfinu en nánast hvert einasta högg fór í gegnum vörn Hermansson. Dómarinn stöðvaði því bardagann eftir 27 sekúndur í 2. lotu og var dauðaþögn í höllinni. Cannonier að setja sitt mark á millivigtina en hann hefur nú unnið þrjá bardaga í röð – alla með rothöggi.
