Saturday, May 18, 2024
HomeErlentUFC með bardagakvöld í Danmörku í maí?

UFC með bardagakvöld í Danmörku í maí?

Allt bendir til þess að UFC muni heimsækja Danmörku í fyrsta sinn í maí. Bardagakvöldið hefur þó ekki verið staðfest af UFC.

Það er pólska vefsíðan MMAnews.pl sem greinir frá þessu. Vefsíðan hefur heimildir fyrir því að Daninn Christian Colombo mæti hinum pólska Damian Grabowski á kvöldinu. Bardagakvöldið á að fara fram þann 27. maí í Royal Arena í Kaupmannahöfn.

UFC hefur nokkrum sinnum heimsótt Svíþjóð en ekki heimsótt önnur Norðurlönd. Nokkrir danskir bardagamenn eru í UFC í dag eins og fyrrnefndur Colombo, Nicholas Dalby, Damir Hadzovic og Joachim Christensen.

Hugsanlega gæti þetta verið bardagakvöldið sem Gunnar endar á þó það sé kannski full langt í það. Norðmaðurinn Emil Weber Meek hefur nú þegar lýst yfir áhuga á að berjast á kvöldinu og má búast við að sjá fullt af bardagamönnum frá Norðurlöndunum á kvöldinu.

Pétur Marinó Jónsson
Pétur Marinó Jónssonhttps://www.mmafrettir.is
Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Viaplay
RELATED ARTICLES

Leave a Reply

This site uses Akismet to reduce spam. Learn how your comment data is processed.

- Advertisment -

Most Popular