Léttvigtarmeistarinn Rafael dos Anjos er meiddur og getur ekki mætt Conor McGregor á UFC 196. Brett Okomoto, blaðamaður hjá ESPN, segir að umboðsmaður Donald Cerrone hafi óskað eftir bardaga gegn Conor McGregor.
UFC 196 fer fram þann 5. mars í Las Vegas. Gríðarleg spenna ríkti fyrir áætluðum bardaga Conor McGregor og Rafael dos Anjos í aðalbardaga kvöldsins.
Samkvæmt umboðsmanni Donald Cerrone er kúrekinn til í að mæta Conor McGregor með aðeins 11 daga fyrirvara. Cerrone er sem stendur 174 pund (79 kg) og er tilbúinn til að fara eins lágt og hann getur fyrir bardaga gegn McGregor.
Donald Cerrone barðist síðasta sunnudag í veltivigt en hann hefur árum saman barist í léttvigtinni (70 kg). Það verður áhugavert að fylgjast með framvindu mála á næstu tímum en vonandi mun UFC finna staðgengil fyrir dos Anjos.
UFC 196 fer fram eftir aðeins 11 daga en hugsanlega mun bardagi McGregor og Cerrone fara fram í fyrirfram ákveðinni hentivigt (e. catchweight).
Confirmed RDA is off 196. Cerrone’s manager says he’s asked for it. He weighs 174. Would “get down as much as he could.” That’s one option.
— Brett Okamoto (@bokamotoESPN) February 23, 2016
