UFC var með bardagakvöld í Philadelphiu í kvöld. Þeir Edson Barboza og Justin Gaethje mættust í aðalbardaga kvöldsins en hér má sjá úrslit kvöldsins.
Framan af voru margir bardagar að fara í dómaraákvörðun en mögnuð tilþrif sáust í síðustu þremur bardögum kvöldsins. Justin Gaethje heldur áfram að skemmta áhorfendum en hann rotaði Edson Barboza í 1. lotu eftir stuttan og skemmtilegan bardaga. Josh Emmett náði sömuleiðis svakalegu rothöggi en hann var að tapa áður en hann náði að rota Michael Johnson í 3. lotu. Öll úrslit kvöldsins má sjá hér að neðan.
Aðalhluti bardagakvöldsins
Léttvigt: Justin Gaethje sigraði Edson Barboza með rothöggi eftir 2:30 í 1. lotu. Millivigt: Jack Hermansson sigraði David Branch með uppgjafartaki (guillotine choke) eftir 49 sekúndur í 1. lotu. Fjaðurvigt: Josh Emmett sigraði Michael Johnson með rothöggi eftir 4:14 í 3. lotu. Strávigt kvenna: Michelle Waterson sigraði Karolina Kowalkiewicz eftir dómaraákvörðun (30-27, 30-27, 30-27). Léttþungavigt: Paul Craig sigraði Kennedy Nzechukwu með uppgjafartaki (triangle choke) eftir 4:20 í 3. lotu. Fjaðurvigt: Sodiq Yusuff sigraði Sheymon Moraes eftir dómaraákvörðun.
ESPN upphitunarbardagar
Strávigt kvenna: Marina Rodriguez sigraði Jessica Aguilar eftir dómaraákvörðun. Léttvigt: Desmond Green sigraði Ross Pearson með tæknilegu rothöggi eftir 2:52 í 1. lotu. Fjaðurvigt: Kevin Aguilar sigraði Enrique Barzola eftir dómaraákvörðun. Millivigt: Kevin Holland sigraði Gerald Meerschaert eftir klofna dómaraákvörðun.
ESPN+ upphitunarbardagar:
Hentvigt (137 pund): Casey Kenney sigraði Ray Borg eftir dómaraákvörðun. Fluguvigt kvenna: Maryna Moroz sigraði Sabina Mazo eftir dómaraákvörðun. Bantamvigt: Alex Perez sigraði Mark De La Rosa eftir dómaraákvörðun.