Valgerður Guðsteinsdóttir keppir sinn sjötta atvinnubardaga í kvöld. Bardaginn er sýndur beint á netinu gegn vægu gjaldi og er Valgerður í næstsíðasta bardaga kvöldsins.
Valgerður mætir hinni úkraínsku Sabina Mishchenko á Nordic Fight Night í Svíþjóð en Valgerður er 3-2 sem atvinnukona í boxi.
Eins og áður segir er Valgerður í næstsíðasta bardaga kvöldsins en boxkvöldið hefst kl. 17 á íslenskum tíma. Bardagarnir eru sýndir beint og er hægt að horfa á boxkvöldið hér fyrir 1.300 kr.
