Valgerður Guðsteinsdóttir tapaði fyrir Ingrid Egner í boxbardaga í gærkvöldi. Bardaginn var nokkuð skemmtilegur en sú norska vann eftir einróma dómaraákvörðun.
Bardaginn í gær var upp á Eystrarsaltsbeltið (Baltic Boxing Union Title) og fór fram á This is my house 2 boxkvöldinu í Osló í Noregi.
Bardaginn fór allar sex loturnar og vann Egner eftir einróma dómaraákvörðun (60-54, 58-56 og 60-54). Sú norska er núna 2-0 sem atvinnukona en hún var með rúmlega 150 áhugamannabardaga og er tífaldur Noregsmeistari í sínum þyngdarflokki.
Valgerður Guðsteinsdóttir er nú 3-2 sem atvinnukona í hnefaleikum eftir tapið í gær.
