Guðlaugur Þór Einarsson nældi sér í sigur í gær á British Challenge MMA bardagakvöldinu í gær. Guðlaugur kláraði bardagann með hengingu í 2. lotu.
Guðlaugur mætti hinum franska Mickael Bucher á British Challenge MMA 22: Cage Warriors Academy South East bardagakvöldinu í Colchester í Englandi í gær. Um áhugamannabardaga var að ræða í 77 kg veltivigt.
Guðlaugur tók sinn fyrsta bardaga í nóvember í fyrra sem hann sigraði á nokkrum sekúndum. Í gær kláraði hann svo bardaga sinn með „guillotine“ hengingu í 2. lotu og er því 2-0 sem áhugamaður í MMA.
