Færð þú engan til að æfa heima með þér brögðin sem þú lærðir á æfingu? Ertu þreytt/ur á að prufa hengingartökin á sjálfri/sjálfum þér eða ímynduðum andstæðing? Ef þú ert glímukappi sem átt við þetta vandamál að stríða gæti lausnin falist í því að hreinlega búa til æfingarfélaga. Þetta væri æfingafélagi sem væri til í tuskið hvar og hvenær sem er. Hann myndi bókstaflega bíða eftir þér í sófanum þegar þú kemur heim.
Allt sem þú þarft til að útbúa svona meðfærilegan æfingafélaga er hægt að fá út í næstu byggingavöruverslun og hér er myndband með nákvæmum leiðbeiningum.
Þó ber að varast að æfa ekki of mikið með þessum æfingafélaga þar sem hann tappar aldrei. Það gæti orðið til þess að þú yrðir ónæm/ur fyrir skilvirkni þinni og jafnvel endað í sömu vandræðum og Rousimar Palhares.
O.o