Vigtunin fyrir UFC 196 var að klárast rétt í þessu. Allir náðu vigt og er ekkert nema stórslys sem kemur í veg fyrir bardagana á morgun.
8.000 manns voru í MGM Grand Garden Arena til að sjá bardagamennina vigta sig inn. Um 150.000 manns horfðu á vigtunina í beinni á Youtube. Gríðarlegur áhugi er fyrir bardagakvöldinu á morgun enda Conor McGregor alltaf vinsæll.
Það var klárt mál að koma átti í veg fyrir að þeir Nate Diaz og Conor McGregor myndu lenda í áflogum líkt og á blaðamannafundinum í gær. Áður en McGregor og Diaz stigu á svið mættu tveir lögregluþjónar til að halda mannskapnum í skefjum ef svo þurfti.
Diaz var fljótur að senda McGregor fingurinn sem reyndi að nálgast Diaz en var ýtt burt. Báðir sendu þeir hvor öðrum tóninn í viðtali við Joe Rogan. McGregor hló að Diaz og sagðist aldrei hafa séð svona mjónu sem er samt með bumbu.
McGregor: “I was just giggling at his little, soft body. How can a fat guy be so skinny at the same time? It amuses me.”
— Shaheen Al-Shatti (@shaunalshatti) March 5, 2016
Tom Lawler er þekktur fyrir að vera með skrípaleik í vigtuninni (sjá neðar) og hann mætti með gervi Conor McGregor tattú á bringunni sem vakti mikla kátínu.
Vigtunina má sjá hér að neðan í heild sinni.
Hér má sjá nokkur skemmtileg augnablik með Tom Lawlor.
