Það var ekkert vesen í vigtuninni fyrir UFC 261 sem fram fór fyrr í dag. Allir þrír titilbardagarnir eru staðfestir og náðu allir 26 bardagamenn kvöldsins tilsettri þyngd.
Í aðalbardaga kvöldsins á UFC 261 mætast þeir Kamaru Usman og Jorge Masvidal um veltivigtartitilinn. Usman var 169,5 pund og Jorge Masvidal 170 pund slétt.
Í næstsíðasta bardaga kvöldsins mætast þær Weili Zhang og Rose Namajunas um 115 punda strávigtartitilinn. Meistarinn Zhang var 114,5 pund og áskorandinn Rose Namajunas sömuleiðis. Í þriðja titilbardaga kvöldsins mætast þær Valentina Shevchenko og Jessica Andrade um 125 punda fluguvigtartitilinn en báðar voru 124,5 pund.
Allir 26 bardagamenn náðu vigt og eru því allir 13 bardagarnir á dagskrá á morgun. Í fyrsta sinn í langan tíma var sjónvarpsvigtun með áhorfendum enda fer UFC 261 fram með fulla höll af áhorfendum.
