Amanda Nunes er komin með sinn næsta titilbardaga. Nunes mætir Julianna Pena í ágúst og fer bardaginn fram á UFC 265.
Amanda Nunes er ríkjandi meistari bæði í fjaðurvigt og bantamvigt kvenna. Síðustu tveir titilbardagar hennar hafa verið í fjaðurvigt þar sem hún hefur sigrað Felicia Spencer og Megan Anderson. Nunes fór síðast í bantamvigt í desember 2019 þar sem hún sigraði Germaine de Randamie.
Andstæðingur hennar að þessu sinni er Julianna Pena. Pena er 2-2 í síðustu fjórum bardögum sínum og kláraði Sara McMann í janúar. Þar áður tapaði hún fyrir Germaine de Randamie en Pena hefur verið dugleg að óska eftir titilbardaga og fær nú ósk sína uppfyllta. Pena hefur verið í UFC síðan hún vann TUF 18 árið 2013.
Double champ Amanda Nunes will defend her bantamweight title against Julianna Peña at UFC 265, Dana White told @bokamotoESPN.
— ESPN MMA (@espnmma) April 15, 2021
The event does not yet have an official date or location, but Aug. 7 is the target date. pic.twitter.com/Rp2iy39nm6
Eins og áður segir fer bardaginn fram á UFC 265 sem fer fram þann 7. ágúst. Ekki er vitað hvar bardagakvöldið verður haldið en UFC er byrjað að hleypa áhorfendum á bardagakvöldin sín.
