UFC 197 fer fram þann 5. mars í Brasilíu. Talið er líklegt að aðalbardagi kvöldsins verði á milli Anderson Silva og Vitor Belfort.
Fyrri bardagi þeirra fór fram á UFC 126 í febrúar 2011. Þá var Silva millivigtarmeistari UFC og leit út fyrir að vera ósigrandi. Bardaginn var fremur rólegur þangað til þetta gerðist:
Silva fylgdi sparkinu eftir með höggum í gólfinu og er þetta eitt eftirminnilegasta rothögg síðari ára í UFC.
Silva er um þessa mundir að afplána 12 mánaða keppnisbann sem hann fékk fyrir að falla á lyfjaprófi á árinu. Bannið tók gildi þann 31. janúar eftir sigur hans á Nick Diaz. Sigurinn var síðar dæmdur ógildur og mun banninu ljúka 31. janúar 2016. Silva er 40 ára gamall og spurning hversu lengi hann á eftir að geta barist.
Vitor Belfort sigraði síðast Dan Henderson fyrr í mánuðinum eftir rothögg í fyrstu lotu. Hann er orðinn 38 ára gamall og hafa síðustu þrjú töpin hans öll komið í titilbardögum. Síðasta tap hans sem var ekki í titilbardaga var gegn fyrrnefndum Dan Henderson árið 2006.
