Bardagaeyjan sem Dana White hefur svo mikið talað um er Yas eyjan í Abu Dhabi. UFC verður með fjögur bardagakvöld þar í júlí.
UFC verður með bardagakvöld á eyjunni þann 11., 15., 18., og 25. júlí. Fyrsta bardagakvöldið verður UFC 251 en þrír titilbardagar verða á kvöldinu.
Þegar Dana White, forseti UFC, hóf fyrst að tala um eyjuna voru bardagaaðdáendur spenntir og sáu fyrir sér afskekkta eyju í kyrrahafinu. Yas eyjan er ekki merkileg eyja en hægt er að keyra þangað frá Abu Dhabi. Á eyjunni eru skemmtigarðar, hótel, Formúla 1 braut og mikið af afþreyingu en bardagamennirnir verða því ekki í vandræðum með að finna sér eitthvað að gera á meðan þeir dvelja þar.
Dana White sagði einnig að búrið verði utandyra og verða bardagarnir því úti í miklum hita í Abu Dhabi. Hitinn fer varla niður fyrir 30° á Celsíus á eyjunni og verður því áhugavert að sjá hvort UFC geri einhverjar ráðstafanir fyrir hitanum.
CONFIRMED! 🏝@DanaWhite provides all the details for #UFCFightIsland which will be happening #InAbuDhabi. @VisitAbuDhabi pic.twitter.com/QjIVpmO0ru
— UFC (@ufc) June 9, 2020
UFC hefur staðfest þrjá titilbardaga á UFC 251. Bardagamenn sem ekki geta ferðast til Bandaríkjanna vegna kórónaveirunanr eiga kost á að berjast á eyjunni.
UFC hefur áður haldið bardagakvöld á eyjunni en UFC 242 fór fram þar í fyrra. Þá voru bardagarnir á góðum tíma á Íslandi og verður áhugavert að sjá hvort það sama verði á teningnum í júlí.
