Bellator 254 fór fram í nótt í Bandaríkjunum. Í aðalbardaga kvöldsins mættust þær Ilima-Lei Macfarlane og Juliana Velasquez.
Ilima-Lei Macfarlane var ríkjandi fluguvigtarmeistari kvenna fyrir bardagann. Hún var ósigruð rétt eins og andstæðingur hennar Velasquez. Meistarinn Macfarlane komst aldrei í gang og var Velasquez einfaldlega betri yfir loturnar fimm. Velasquez virkaði stærri en meistarinn og sigraði eftir einróma dómaraákvörðun.
🦵💥 That connected!@JuVelasquezMMA and @Ilimanator are headed into the championship rounds of their #Bellator254 main event LIVE & FREE now on @CBSSportsNet.#USOHolidays #MMA #Bellator pic.twitter.com/XYzq31wFEf
— BellatorMMA (@BellatorMMA) December 11, 2020
Í næstsíðasta bardaga kvöldsins sáum við fyrrum ACB bardagamennina Magomed Magomedov og Matheus Mattos etja kappi. Magomedov hafði yfirhönd og sigraði eftir dómaraákvörðun en hann kastaði Mattos til og frá.
Winner by unanimous decision: Tiger Magomedov, thanks to moves like this 👀 pic.twitter.com/vtxq5bUTJc
— CBS Sports Network (@CBSSportsNet) December 11, 2020
Þetta var síðasta bardagakvöld ársins í Bellator en bardagana er hægt að sjá í heild sinni hér á Youtube.
Aðalhluti bardagakvöldsins:
Titilbardagi í fluguvigt kvenna: Juliana Velasquez sigraði Ilima-Lei Macfarlane eftir dómaraákvörðun.
Bantamvigt: Magomed Magomedov sigraði Matheus Mattos eftir dómaraákvörðun.
Þungavigt: Linton Vassell sigraði Ronny Markes með tæknilegu rothöggi (punches) eftir 3:37 í 2. lotu.
Millivigt: Romero Cotton sigraði Justin Sumter með uppgjafartaki (rear-naked choke) eftir 3:36 í 1. lotu.
Upphitunarbardagar:
Veltivigt: Shamil Nikaev sigraði Kemran Lachinov eftir dómaraákvörðun.
Léttþungavigt: Grant Neal sigraði Maurice Jackson með uppgjafartaki (rear-naked choke) eftir 3:59 í 2. lotu.
Fjaðurvigt: Cody Law sigraði Kenny Champion með tæknilegu rothöggi (punches) eftir 4:44 í 3. lotu.
Veltivigt: Billy Goff sigraði Robson Gracie Jr. með tæknilegu rothöggi (punches) eftir 1:46 í 2. lotu.
