Friday, March 29, 2024
HomeErlentBellator: Rory MacDonald nýr veltivigtarmeistari

Bellator: Rory MacDonald nýr veltivigtarmeistari

Það var ekki bara UFC sem var með stórt bardagakvöld í nótt. Bellator 192 fór fram í Kaliforníu í nótt þar sem Rory MacDonald varð nýr veltivigtarmeistari Bellator.

Douglas Lima hafði unnið þrjá bardaga í röð þegar kom að viðureigninni gegn MacDonald. MacDonald vann fyrstu tvær loturnar þar sem hann stjórnaði Lima í gólfinu. Lima kom sterkur til leiks í 3. lotu og náði þungu lágsparki í MacDonald. Sköflungur MacDonald stokkbólgnaði fyrir vikið og átti hann í erfiðleikum með að setja þunga í fótinn.

Lima endaði í „mount“ í 4. lotu og var sú lota afar jöfn. MacDonald átti þó 5. lotu frá A til Ö og var Lima nokkuð blóðugur í lok bardagans. MacDonald haltraði í hornið sitt og átti klárlega erfitt með að labba enda sköflungurinn afar bólginn. MacDonald endaði á að sigra eftir dómaraákvörðun og er nýr veltivigtarmeistari Bellator. MacDonald sigraði núverandi veltivigtarmeistara, Tyron Woodley, árið 2014 og má færa rök fyrir því að hann sé besti veltivigtarmaður heims í dag.

Þetta var þó ekki aðalbardagi kvöldsins heldur var bardagi Quinton ‘Rampage’ Jackson og Chael Sonnen aðalbardaginn. Bardaginn var hluti af útsláttarmótinu í þungavigtinni en Rampage var 14 kílóum þyngri en Sonnen í vigtuninni.

Þyngdarmunurinn hafði þó ekki mikil áhrif en Sonnen sigraði eftir dómaraákvörðun. Sonnen tók Rampage niður í öllum lotunum og er kominn áfram í útsláttarkeppninni. Þar mætir hann sigurvegaranum úr viðureign Frank Mir og Fedor Emelianenko.

Hinn stórefnilegi Aaron Pico náði öðrum glæsilegum sigri í gær. Pico kláraði Shane Krutchen með þessu glæsilega skrokkhöggi.

Pétur Marinó Jónsson
Pétur Marinó Jónssonhttps://www.mmafrettir.is
Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Viaplay
RELATED ARTICLES

Leave a Reply

This site uses Akismet to reduce spam. Learn how your comment data is processed.

- Advertisment -

Most Popular