Tveir Íslendingar voru í dag gráðaðir í svart belti í brasilísku jiu-jitsu. Þar með hafa 15 Íslendingar hlotið þann heiður að fá svart belti í íþróttinni.
Stór járnun fór fram í Mjölni fyrr í kvöld. Þar fengu þeir Birkir Freyr Helgason og Jósep Valur Guðlaugsson svart belti í brasilísku jiu-jitsu.
Þeir Brynjólfur Ingvarsson, Luka Jelcic, Magnús Björn Ólafsson, Bjarki Ómarsson, Kristján Einarsson og Diego Björn Valencia fengu svo brúnt belti í kvöld og þá voru fjölmörg fjólublá og blá belti afhend fyrr í kvöld. Byrjendur í jiu-jitsu byrja með hvítt belti, fá svo blátt, svo fjólublátt, svo brúnt og að lokum svart belti.
Aðrir sem hafa hlotið þann heiður að fá svart belti í brasilísku jiu-jitsu eru þeir Haraldur Þorsteinsson, Gunnar Nelson, Axel Kristinsson, Bjarni Baldursson, Sighvatur Magnús Helgason, Þráinn Kolbeinsson, Arnar Freyr Vigfússon, Kári Gunnarsson, Ingþór Örn Valdimarsson, Jóhann Eyvindsson, Daði Steinn Brynjarsson, Ómar Yamak og Halldór Logi Valsson.
