Bjarki Ómarsson mun verja Shinobi fjaðurvigtartitil sinn þann 25. febrúar í Liverpool. Bjarki mætir þá TJ Nelson frá Liverpool.
Bjarki (7-4) vann fjaðurvigtartitil Shinobi bardagasamtakanna eftir frábæra fimm lotu frammistöðu í lok júlí. Til stóð að Bjarki myndi berjast á Evrópumótinu í MMA sem fram fór á dögunum en Bjarki gat því miður ekki keppt vegna meiðsla.
Andstæðingur hans er TJ Nelson (3-1) en hann æfir hjá Aspire Combat Sports Academy í Liverpool. Nelson er partur af landsliði Gana sem mun keppa á Heimsmeistaramótinu í MMA næsta sumar en það verður í fyrsta sinn sem Gana sendir landslið á mótið.
Bjarki verður eflaust ekki eini Íslendingurinn sem keppir á þessu bardagakvöldi.
