Brian Ortega mun ekkert berjast árið 2019 eftir að hann hefur neyðst til að draga sig úr bardaganum sem átti að fara fram þann 21. desember.
Brian Ortega átti að mæta Chan Sung Jung, betur þekktur sem The Korean Zombie, á UFC bardagakvöldi í Suður-Kóreu þann 21. desember. Bardaginn átti að vera aðalbardagi kvöldsins og fyrsti bardagi Ortega síðan hann tapaði fyrir Max Holloway í desember 2018. Á sunnudaginn verður akkúrat ár síðan hann barðist síðast.
Brian Ortega er með slit á krossbandi en það er ekki alveg slitið. Ortega verður frá í 2-3 mánuði og er verið að leita að andstæðingi sem stendur. Jeremy Stephens og Frankie Edgar eru sagðir líklegir til að koma í stað Ortega.
— Brian Ortega (@BrianTcity) December 5, 2019
Edgar er nú þegar með staðfestan bardaga gegn Cory Sandhagen í janúar. Sá bardagi verður frumraun Edgar í bantamvigt en UFC er tilbúið að setja Edgar þess í stað á móti Korean Zombie í fjaðurvigt. UFC vonast til að Edgar geti barist í Suður-Kóreu í desember og svo gegn Sandhagen í janúar að sögn Helwani.
Frankie Edgar is the frontrunner to replace Brian Ortega versus Chan Sung Jung on Dec. 21, sources say. Looking good. Yes, he’s scheduled to fight Cory Sandhagen next month, but UFC is hoping to keep the fight in tact, too. They would have to assess after the South Korea fight.
— Ariel Helwani (@arielhelwani) December 5, 2019
Það ætti að koma í ljós á næstu dögum hver kemur í stað Ortega en þetta eru mikil vonbrigði fyrir Ortega og hans aðdáendur.
