Carlos Condit barðist um veltivigtartitilinn í gær gegn Robbie Lawler. Eftir bardagann kvaðst hann vera að íhuga að leggja hanskana á hilluna.
Bardaginn var hnífjafn og sigraði Lawler eftir klofna dómaraákvörðun. Ekki voru allir sammála dómaraákvörðuninni og fannst mörgum að Condit hefði átt að fá sigurinn dæmdan sér í vil.
Eftir bardagann talaði Carlos Condit um þetta gæti hafa verið hans síðasti bardagi á ferlinum. Condit gæti hugsað sér að leggja hanskana á hilluan eftir þetta fimm lotu stríð eins og hann sagði við Ariel Helwani í gær.
Einn af þjálfurum Condit, Brandon Gibson, var ekki viss um hvað vinur hans Condit myndi gera. Að hans mati myndu þeir bíða og sjá hvað UFC býður þeim og hvort Condit fái annað tækifæri gegn Lawler áður en ákvörðun um framhaldið verður tekin.
