Bellator 208 fer fram í kvöld þar sem þeir Chael Sonnen og Fedor Emelianenko mætast í aðalbardaga kvöldsins. Athygli vakti að Fedor var aðeins fjórum kílóum léttari en Chael Sonnen í vigtuninni í gær.
Bardaginn fer fram í 8-manna þungavigtarmóti Bellator og er um undanúrslitabardaga að ræða. Fedor er einn besti þungavigtarmaður sögunnar en hann vigtaði sig inn 236 pund (107,3 kg) í gær. Chael Sonnen, sem barðist lengi vel í millivigt (84 kg), var 227 pund (103,2 kg). Það voru því aðeins fjögur kíló á milli þeirra í vigtuninni í gær en Sonnen hefur undanfarin fimm ár barist í léttþungavigt (93 kg).
Fyrri undanúrslitabardaginn í þungavigtarmótinu fór fram í gærkvöldi á Bellator 207 þar sem Ryan Bader sigraði Matt Mitrione eftir afar einhliða bardaga. Bader tók Mitrione ítrekað niður og sigraði eftir dómaraákvörðun.
Bader er léttþungavigtarmeistari Bellator og er hann nú kominn í úrslit í þungavigtarmótinu. Hann getur þar með orðið tvöfaldur meistari en hann mætir sigurvegaranum úr viðureign Sonnen og Fedor.
Það mátti sjá nokkur mögnuð tilþrif í gær á kvöldinu. Mandel Nallo náði virkilega vel tímasettu hné í Carrington Banks. Nallo náði rothögginu í 2. lotu og er núna 7-0 á ferlinum. Nafn til að taka eftir.
This might be a candidate for knockout of the year. pic.twitter.com/VDB0UZo0qt
— SportsCenter (@SportsCenter) October 13, 2018
Það tók síðan Mike Kimbel aðeins sex sekúndur að rota Alex Potts í bardaga þeirra.
Mike Kimbel (2-0) knocks out Alex Potts in six seconds! The 21-year-old ties Hector Lombard for the fastest KO in Bellator history! He has finished both of his wins in the first round. #Bellator207 pic.twitter.com/wWbQ8U0D4Y
— Kyle Johnson (@Maldobabo) October 12, 2018
Kimbel var aðeins 64 sekúndur í frumraun sinni og verður einnig áhugavert að fylgjast með þessum bardagamanni.
Að lokum má ekki gleyma gömlu köllunum í þungavigtinni. Sergei Kharitonov rotaði Roy Nelson í lok 1. lotu.
Sergei Kharitonov knocks out Roy Nelson! The PRIDE FC vet (28-6, 1 NC) buries “Big Country” in the first, piling on punches en route to a vicious knee! Sergei rides a six-fight unbeaten streak; he has finished 26 of 28 wins, 23 in the first round, and 16 by knockout. #Bellator207 pic.twitter.com/8ZXNz1OLP3
— Kyle Johnson (@Maldobabo) October 13, 2018
Þetta er fyrsta tap Nelson eftir rothögg síðan Mark Hunt rotaði hann árið 2014 og hans þriðja tap eftir rothögg á ferlinum.
