Þeir Cody Garbrandt og T.J. Dillashaw munu þjálfa 25. seríu TUF. Serían fer í sýningar í apríl og munu þeir Dillashaw og Garbrandt væntanlega berjast næsta sumar.
Þetta kom fram í UFC útsendingunni í gær. Serían mun kallast The Ultimate Fighter: Redemption en þar munu fyrrum TUF keppendur og sigurvegarar taka þátt. Það verða því engin ný andlit meðal keppenda en keppendalistinn er ókunnugur sem stendur.
Cody Garbrandt vann nýverið bantamvigtartitilinn af Dominick Cruz og verður fyrsta titilvörnin hans því gegn Dillashaw í sumar eftir að þáttaseríunni lýkur. Fyrsti þáttur fer í loftið þann 19. apríl og mun sennilega klárast í júlí. Þeir Dillashaw og Garbrandt munu því sennilega mætast í júlí og verður það afar spennandi viðureign.
