UFC hélt blaðamannafund nú rétt í þessu fyrir UFC 202. Eftir rólega byrjun varð allt vitlaust um leið og Conor loksins mætti og fóru flöskur á flug.
Þeir Nate Diaz, Conor McGregor, Glover Teixeira og Anthony Johnson áttu að vera á blaðamannafundinum fyrr í kvöld. Blaðamannafundurinn átti að byrja kl. 20 en töf varð á þar sem Conor var ekki mættur.
Dana White ákvað að byrja blaðamannafundinn án hans og fengu þeir Diaz, Johnson og Teixeira spurningar. Þegar Conor mætti svo loksins á blaðamannafundinn varð fljótlega allt vitlaust.
Eftir að Conor hafði svarað um þremur spurningum gekk Diaz skyndilega af blaðamannafundinum. Diaz gekk burt ásamt öllu liði sínu og sendi Conor fingurinn. Conor sagði honum þá ókurteisislega að koma sér burt og hófst svo fáranleg atburðarrás.
Well then… #UFC202 https://t.co/1J9vJKHUIW
— UFC (@ufc) August 17, 2016
Diaz liðið og Conor byrjuðu að kasta vatnsflöskum í hvorn annan og létu þeir öllum illum látum. Dave Sholler, kynningarfulltrúi UFC, og Dana White reyndu að ná Conor til hliðar og slúttaði White blaðamannafundinum strax.
Conor sem sagt mætti í fimm mínútur, Diaz fór og allt varð vitlaust.
