Conor McGregor er búinn að ná tilsettri þyngd! Conor var 154,5 pund í formlegu vigtuninni áðan en Khabib er einnig búinn að ná vigt.
Formleg vigtun fór fram á hóteli bardagamannanna í Las Vegas fyrr í dag. Vigtunin fór fram á milli kl. 9 og 11 í morgun á staðartíma og höfðu bardagamenn því tveggja klukkutíma glugga til að vigta sig inn.
Khabib var fyrstur til að vigta sig inn og var 155 pund (70,3 kg) slétt. Conor kom rúmlega klukkutíma seinna eða kl. 10 á staðartíma og var 154,5 pund (70,08 kg). Titilbardaginn fer fram í 155 punda léttvigt og því fátt sem getur komið í veg fyrir risabardagann á morgun.
Allir bardagamenn kvöldsins náðu tilsettri þyngd. Sjónvarpsvigtunin fer svo fram á miðnætti í kvöld á íslenskum tíma.
#UFC229 weigh-in results: @TheNotoriousMMA weighs in at 154.5 lbs.
Main event is official. pic.twitter.com/Pxuhe9pIRU
— Aaron Bronsteter (@aaronbronsteter) October 5, 2018
