Conor McGregor og Eddie Alvarez höfðu auðvitað ýmislegt að segja eftir blaðamannafundinn fjöruga í gær.
Megan Olivi spjallaði við þá báða og fékk nokkur góð ummæli. Conor McGregor kvaðst að sjálfsögðu ekki hafa verið viljandi seinn, það var bara mikil umferð. Þetta var í fjórða sinn á stuttum tíma sem hann er seinn á blaðamannafund.
Eddie Alvarez sagði þetta vera vanvirðingu hjá Conor að mæta alltaf svona seint enda gekk hann af sviðinu í gær þegar hann sá að Conor var seinn.
Um tíma leit út fyrir að allt hefði orðið vitlaust og virtist Conor McGregor ætla að kasta stól í Alvarez. Conor segir þó að hann hafi fengið smá innskot úr fortíðinni um leið og hann lyfti stólnum og vildi ekki fá aðra sekt líkt og hann fékk fyrir lætin á blaðamannafundinum fyrir UFC 202.
