Miklar vangaveltur hafa verið í kringum viðureign Conor og Chandler eftir að The Ultimate Fighter seríunni lauk með því yfirskyni að þjálfararnir tveir myndu mætast. Það virðist loksins vera komin niðurstaða í þetta mál – þeir mætast á UFC 302 í júní sem haldið verður í Las Vegas. Conor sjálfur fékk heiðurinn að því að tilkynna um þetta í áramótafærslu frá sér á X. Sjá myndband að neðan.
En það hefur margt gengið á bakvið tjöldin og nokkrar sögur hafa gengið um til að útskýra langa fjarveru Conor og Chandler. Talið er að UFC hafi hætt samstarfi við USADA vegna hve óliðlegir þeir voru varðandi endurkomu Conor og að USADA hafi ekki viljað gefa Conor neinn afslátt af þeirra reglum. Síðar þótti Conor of stórt nafn til þess að vera á UFC 300 og að það bardagakvöld væri í raun of stórt nú þegar til þess að hafa endurkomu Conors á því kvöldi líka og betra væri að fresta þessari viðureign fyrir annað stórkvöld. Síðasta sagan sem að gékk um varðaði umboðsmann Conor sem stóð í hótunum við UFC undir rós. Hann talaði um að miðað við samningahefð PFL þá hefði verið búið að semja um bardaga, finna dagsetningu og ákveða laun. Þannig vildu menn meina að Conor væri að meta þann möguleika á að semja við PFL ef að UFC myndi ekki fara girða sig í brók og ákveða dagsetningu fyrir endurkomuna.
Í tilkynningunni sinni segir Conor að þeir muni mætast í middlivigtinni þ.e.185 pund. Conor lítur út vera að vera orðinn ansi stór, en er ekki líklegra að þetta sé einhvað grín? Eins og alþjóð veit, þá er Conor snillingur í láta tala um sig og halda sér í umræðunni.
Eins og frægt varð þá sagði Conor við Chandler í síðustu seríu af TUF að þeir myndu mætast í 185 og lét fylgja með ” You’ll do what your told.
Conor tilkynnir um endurkomuna:
The Ultimate Fighter – You’ll do what your told:
