Conor McGregor með MMA-námskeið í Mjölni á morgun

UFC stjarnan Conor McGregor verður með MMA-námskeið í Mjölni annað kvöld. Námskeiðið fer fram í húsakynnum Mjölnis að Seljavegi 2 og stendur yfir í tvo tíma.

Eins og flestum MMA áhugamönnum er kunnugt um hefur UFC bardagamaðurinn Conor McGregor dvalið hér á landi við æfingar undanfarnar vikur. Hann mun halda sérstakt MMA námskeið á morgun (25. júní) frá 19-21 en námskeiðið er opið öllum og kostar 5900 kr á námskeiðið.

McGregor er í aðalbardaganum á UFC Dublin bardagakvöldinu þann 19. júlí. Þar mætir hann Brasilíumanninum Diego Brandao en McGregor átti upphaflega að mæta Cole Miller. Írinn snjalli er einn allra fremsti sparkboxarinn í UFC að margra mati og er á góðri leið með að verða ein stærsta stjarnan í UFC í dag.

Upplýsingar um skráningu á námskeiðið má nálgast hér.

About
Latest Posts

Pétur Marinó Jónsson

Eigandi og ritstjóri vefsins www.mmafrettir.is

-Æft bardagaíþróttir í 6 ár (fjólublátt belti í BJJ)
-BS í sálfræði
-Lýsi UFC á Stöð 2 Sport
-MMA fíkill