Conor McGregor þurfti að lúta í lægra haldi fyrir Nate Diaz á UFC 196 í gær. McGregor ber sig vel eftir tapið og sendi Brasilíumönnunum Jose Aldo og Rafael dos Anjos tóninn.
„Látið mig vita ef annar meistari fer upp um tvo þyngdarflokka,“ segir Conor McGregor meðal annars á opinberri Facebook síðu sinni.
Í yfirlýsingunni talar McGregor um tapið og segist ætla að taka tapinu eins og maður. Þá sendi hann skýr skilaboð til Jose Aldo og Rafael dos Anjos en báðir hafa þeir látið í sér heyra á samfélagsmiðlum eftir tap McGregor.
Það verður áfram sami kjafturinn á McGregor þrátt fyrir tapið en hér að neðan má sjá yfirlýsinguna í heild sinni.
