Það voru mikil læti á blaðamannafundinum fyrir UFC 196 í gær. Eftir blaðamannafundinn héldu þeir áfram að skjóta á hvorn annan í viðtali á FOX Sports Live.
Sex löggur voru til staðar til að ganga úr skugga um að allt færi vel fram en þeir McGregor og Diaz voru í sitt hvoru herberginu.
Kapparnir héldu áfram að blóta hvor öðrum í sand og ösku. McGregor segist hafa grafið þrjú lík í Vegas (Dustin Poirier, Chad Mendes og Jose Aldo) þar sem bardaginn fer fram og nú þurfi hann að gera aðeins lengri gröf fyrir hinn 183 cm háa Diaz.
Diaz sagði McGregor aldrei hafa barist við mann af eðlilegri stærð heldur einungis við dverga. Viðtalið má sjá hér að neðan.
